الأحد، 16 أكتوبر، 2011

الدولة المدنية


قصة الدولة المدنية اللي مخلوطة بالعلمانية اللي عاملة هلع لبعض الناس بسبب الجهل السياسي والجهل الديني و متزعلوش من كلمة جهل و افتكروا ان جهل تعني لا يعلم او غير فقيه و فيه ناس كتييييييييير للاسف حافظين مش فاهمين وده بسبب الابواق اللي بتتفح في آذاننا و طبعا احنا ناس بحب ديننا و ما يقال بنصدقه على طول بدون لحظة تفكير و اي حوار بخصوص المادة التانية و التغيير لمدنية بنعتبرهحرام والاخوان والسلفيين و غيرهم من المتشددين بيعتبروه كفر وذندقة و انحلال و يقلولك انتوا عايزين دولة كافرة و منحلة و اللي عايز حاجة يعملها و يوصفوك بانك علي طول كفرت بالله و رسوله !!! الله طب ماللي عايزاجة بيعملها فعلا سرا او علانيه ولا الخلافة و الامارة هتمنع ده؟؟؟؟ مش برضه ربنا هو اللي بيحاسب والا هتخللوا امير الجماعة هو اللي يحاسب؟؟؟ ولا نكون زي السعودية بنعمل كل حاجه من تحت الترابيزة و الفساد من الكبت يخلي الدولة اغلب تفكيرها جنس و خمرة و شذوذ؟ واللا اهل السعودية احسن الشرفاء (هتخلونا نغلط في الناس ليه الله يسامحكم) ولا السعودية مفيهاش خمرة وافغنستان ملهاش اي علاقة بالحشييييش ؟ ولا الستات هناك لما منعوهم يسوقوا و لبسوهم النقاب اصبحن الفضيلات و القدوة الحسنة؟ عايزيننا نمشي بضرب الجزمة عشان نبقي مؤمنين؟ تصدقواااا انتوا صح عشان احنا شعب يخاف ما يختشيش و خسارة فأمه الحرية و الديمقراطية ليه نبقي دولة متحضرة و كل انسان يلتزم بدينه بطريقته و اللي مش عايز عن امه مالتزم ربنا هايحاسبوا .... ليه مايبقاش الدين ده علاقة خاصة بين الانسان وربه ليه لما ربنا يدينا حرية فكر و عقل مستنير عايزين نجعلهم قيد و شغل من تحت و كبت وازدواجية !!!! شكلنا اتعودنا عالكبت و نموت من غير ازدواجية و بنعشق الخفا
ماتفوقوا بقي ياللي طالبتوا بالحرية وافهموا اللي عايز حاجة بيعملها و بيعمل اوسخ منها لو عايز سيبوا نور الفكر و الشمس تدخل العقول اللي بقت ريحتها بيببي خلينا نهوي مصر و نسقط الكبت و الازدواجية اللي كل المجتمع عايش بيها دي لما الناس يبقي عندها دين بينها و بين ربها و يحسه بنعمة الايمان الحقيقي كل واحد على طريقته هايكون فيه نضافة في العقول هيكون فيه احترام للآخر مش فرض اراء و اللي مش عاجبة يغور منها ولا يدفع الجزية واللا تكونوش فاهمين ان كل اللي دينه مكتوب في البطاقة مسلم يبقى ما شاء الله عليه موحد؟؟؟؟ انتوا عايشيين على رأي صديقتي في سفينة العسلية و بتحلموا لان الازدواجية دي بتطلع اجيال كلها كلاكيع و قرف من جوة ليه؟؟؟ عشان نبقي شاطرين و ماشيين صح وإللا فيه كرباج و خوف و رعب النظام الفاسد وما قبله علمونا الذل والاخوان والسلفيين و غيرهم من ارهابي الفكرعايزين يكملوا المشوار والله كان لازم تفضلوا بأسم الجماعة المحظورة و متستحقوش غير اللقب ده ربنا نصبكم علينا اولياء صالحين الصلاة تبقي اكراه مش مهم يبقي فيها خشوع ولا حب المهم انك تعمله مش مهم اني احب ربنا و احترم علاقتي بيه فبالتالي اخاف ازعله لا مش قادرين يفهموا ان الحرية (حراااااااااااام) دي بتنشأ عقول سليمة ونضيفة وواعية (عييييييييييييب) هتقولولي ماهي اوروبا فيه انحرافات هقولكم اه بس مش بالنسبة اللي موجودة عندنا في الدول العربية و اللي مش مصدق يروح يتفرج عالملاهي الليليه او اللي بيسافر برا يدخل اي شارع من الشوارع المشهورة في اوربا يتفرج على العرب و هما مريلين و مغرئين نفسهم رياله ولا بالقذارة اللي خلقها الكبت فينا مش واضحة سيادتكم؟؟؟ في اوروبا اللي بيغلط في حقوق غيره بيتعاقب واللي بيخرب بيتعاقب مفيش حاجة بتنسب للدين لحرق محلات و لا فنادق و لا تفجيرات باسم جماعة الحاكم بأمر الله عمركم شفتوا تصريح فرنسي عن جماعة ارهابية من اليهود ولا من البوذية ولا المسيحية فجروا مكان سياحي فيه ناس ابرياء باسم الدين؟ طب بلاش الصهاينة نفسهم فجروا بيوت الفلسطينية عشان يدفعوا الجزية او يبقوا يهود؟؟؟ هما مجرمين حرب لكن مش مجرمين باسم دين هتقولولي ان الاسلام مستهدف هقولكم ان انتوا اللي بتخلوه مستهدف سيبوا الحرية تخلي الناس دي تغير فكرتها عن الاسلام فكروا فالبناء و التقدم شوفوا ماليزا وتركيا بقوا فين واحنا فين فوقوا بقي يا عقول من كتر السوس اللي بياكل فيها قربت تفني محتاجين نشوف الصورة بعقل مش بتعصب اعمى. انا خلصت كلامي ورزقي على الله واللي هيضايق من الحق ربنا معاه

ليست هناك تعليقات:

من أنا

صورتي
واحدة بتموت في ارض مصر و حاسب اللي يتهور يتعور