الجمعة، 18 مارس، 2011

Vote No - قول لأ



لكل فرد في عائلتي الكبيرة الى كل اخ و اخت من امي مصر كبير او صغير لازم تخدوا بعض و ترحوا بكرة للتصويت لازم تخدوا اللي حواليكم اللي مايعرفوش يدخلوا عالنت خد ماما و نينا و عم احمد و عم بولس خد الافراد البسطاء لأن ده واجب وطني لو اللي ما يعرفش يصوت بأيه فهموه لازم يقول لأ لأن من قال لا فقد افتى يعني الطبيعي والمنطقي اني مقولش نعم على حاجه انا مش متأكد منها او متخوف من مصيرها لازم نصوت عشان بلدنا تطور لازم نقول لأ

الأربعاء، 16 مارس، 2011

ندااااء عاااااااااااجل

ندااااء عاجل اقرت السفارة المصرية في السعودية و اليمن انه لا يوجد لديهم تصويت على تعديل الدستور وقالوا ان الاستفتاء يتم عبر الانترنت وليس لديهم اي معلومات عن صفحة الاستفتاء نرجو افادتنا على وجه السرعه

محمود الزهيري - المادة الثانية من الدستور المصري : بين أزمة الإلغاء ومعضلة الإبقاء !!

الشعب يريد تغير النائب العام


لازم النائب العام المتواطئ ده يتغير و لازم الكلاب الفاسدة كلها تتعدم
عشان البلد تنضف لأن طول ما فيه كلاب بيشتغلوا لمصالحهم الشخصية و لأمريكا وللأراضي والاموال اللي نهبوها و خوفا من المسائلة مستقبلا ربنا يدينا طولت العمر و لازم و لازم ولااااااااازم يبقى لا دستور هينفع ولا حكومة هتجيب نتايج لازم نقطع شجرة الفساد من جذورها ولازم نخلص عشان تبقى الثورة دي حقيقية و دم الشهداء ميرحش هدر و لسه هيكون فيه الاف الشهداء هيروحوا بسبب اللعب اللي بيحصل والفاسدين اللي بيتفرجوا من بعيد ويضحكوا على لعب العيال اللي احنا بنعملوا والكلاب اللي بيسربوهم كل يوم علينا والشرطة اللي بعتقد انها شرطة مش مصرية لأنهم لسه بيتاوبوا وبيتمطعوا من بيتهم ولا كأنها بلدهم ولا كأن اللي بيحصل ده بيخربها ده انتوا يا مؤمنين لو كنتوا يعني لامؤاخذة فالكلمه مؤمنين كنتم تعملوا انقلاب على الاوساخ اللي بيسيطروا لسه عليكم مش تضربوا لهم تعظيم سلام هم والعادلي الكلب اللي حرستوه فالمحكمة انتوا لو كنتم كفرة مكنتوش تبهدلوا البلد كدة دانتوا لا مله ولا دين بتنتموا له وربنا ده ما تعرفوهوش اساسا لا قيادات ولا ظباط صغيرين ولا قرف كل واحد واقف يتفرج يبقى كلب و عميل وحسبنا الله و نعم الوكيل فكل ظااااااالم بيخرب فيكي يا مصر

الاثنين، 14 مارس، 2011

لا للترقيع


لو كانت نتيجة التصويت علي الدستور بالأغلبية "نعم" ده معناه ان يحكم البلد رئيس المحكمة الدستورية العليا طبقا للمادة 84 من دستور سنة 1971 طيب ساعتها هيعمل ايه المجلس العسكري؟!!!!! ولو كانت نتيجة التصويت "لا" يكون الأمر في يد المجلس العسكري اما باعاده الترقيع او بالتغيير الكامل للدستور!!!!! وصلت؟
ابسطهالك

الأديب علاء الأسواني قال

اذا كنت لا تريد ترقيع الدستور قل "لا"
اذا كنت لا تريد دستور فقد شرعيته قل "لا"
اذا كنت ترفض دستور يخلق دكتاتور قل "لا"

لمن يريد ان يصوت بنعم .. أنصحه بقراءة هذا المقال أولاً ثم يعلق
http://www.shorouknews.com/Columns/Column.aspx?id=406716

من أنا

صورتي
واحدة بتموت في ارض مصر و حاسب اللي يتهور يتعور