الأحد، 16 نوفمبر 2008

اخر ما ابدع احمد فؤاد نجم



نؤيد سيادتك



نؤيد سيادتك لفترة جديدة



نكمل خلالها المسيرة السعيدة



و بالمرة فيها نبيع الحديدة



مفيش حاجة تانية نبيعها خلاص



*****



نؤيد سيادتك لأجل المزيد



من اللي تحقق بفضلك أكيد



بقينا خلاص ع الحميد المجيد



و ربك لوحده ف ايده الخلاص



*****

نبايع سيادته ولا حد غيره



كفايا علينا نبرطع في خيره



و نوم شعب مصر العظيمة و شخيره



يقول للحرامي ما تسرق كمان



*****



نبايع سيادته وابنه وحفيده



مفيش زي فكره قديمه و جديده



خرابك يا مالطة حيحصل بايده



ومين فيكي يعني بيسمع آذان



*****

نبوس إيد سيادتك و رجلك كمان



تخليك معانا يا ريس عشان



وجودك ضرورة فرضها الزمان



و من غير وجودك حقيقي نضيع



*****

دي مصر بتاعتك و احنا ضيوفك



كفايه علينا يا ريس نشوفك



و عاذرين سيادتك و فاهمين ظروفك



عليك بس تؤمر و احنا نطيع



*****



في جزمة سيادتك كلابك يبوسوا



و فوق الغلابة بجزمهم يدوسوا



و شعبك ليلاتي يا ريس غموسه



مذلة و مهانة و حوجة و مر



*****

لكن يعني ما دمنا شعب انتساب



و دايما وأبدا ف حالة غياب



متعملش لينا يا ريس حساب



دي عزبة سيادتك و فيها انت حر



*****



و دستور مدستورش مش فارقة خالص



كلام فاضي كله يا فندم بناقص



كفايا علينا الفساد اللي ماصص



عرقنا و معشش و ضارب جذوره



*****



و ايه يعني تهري جتتنا البلاوي



يوماتي كوارث فضايح رشاوي



كفايا علينا القعاد في القهاوي



بنستنى لما الوريث ييجي دوره



احمد فؤاد نجم


الجمعة، 24 أكتوبر 2008

ماذا تعلمت من الأمس؟

بعدت فتره سامحوني بس رجعت لأني في رمضان كنت نايمه و بعد رمضان اجازة العيد واديني جيت تاني بمواضيع وكلمات و حكاوي كتير وحشتوني
-------------------------------------------------------------




تعلمت انه في المدرسة أو الجامعة نتعلم الدروس ثم نواجه الامتحانات أما في الحياة فإننا نواجه الامتحانات وبعدها نتعلم الدروس



تعلمت انه محادثه بسيطة أو حوار قصير مع إنسان حكيم يساوي شهر دراسة


تعلمت انه لا يهم أين أنت الآن ... ولكن المهم إلى أين تتجه في هذه اللحظة


تعلمت انه خير للإنسان أن يكون كالسلحفاة في الطريق الصحيح ... على أن يكون غزالاً في الطريق الخطأ


تعلمت أن مفتاح الفشل هو محاولة إرضاء كل شخص تعرفه


تعلمت انه خير للإنسان أن يندم على ما فعل ... من أن يتحسر على ما لم يفعل


تعلمت أن العمل الجيد أفضل بكثير من الكلام الجيد


تعلمت أن الناس ينسون السرعة التي أنجزت بها عملك ... ولكنهم يتذكرون نوعية ما أنجزته


تعلمت انه يوجد كثير يحصلون على النصيحة ... القلة فقط يستفيدون منها


تعلمت أن المتسلق الجيد يركز على هدفه ولا ينظر إلى الأسفل ... حيث المخاطر التي تشتت الذهن


تعلمت أن الفشل لا يعتبر أسوأ ما في الحياة ... إن الفشل هو ألا نجرب


تعلمت أن هناك أناس يسبحون في اتجاه السفينة ... وهناك ناس يضيعون وقتهم
بانتظارها


تعلمت انه لا ينتهي المرء عندما يخسر ... إنما عندما ينسحب


تعلمت أن الذي يكسب بالنهاية ... من لديه القدرة على التحمل و الصبر


تعلمت انه من أكثر الأسلحة الفعالة التي يملكها الإنسان هي الوقت و الصبر


تعلمت انه يجب على الإنسان أن يحلم بالنجوم ... ولكن في نفس الوقت يجب ألا ينسى قدميه على الأرض


تعلمت انه عندما تضحك ...يضحك لك العالم وعندما تبكى ... تبكى وحدك


تعلمت أن هناك فرق كبير بين التراجع و الهروب


تعلمت أن الشجرة المثمرة ... هي من يهاجمها الناس


تعلمت انه من أجمل الأحاسيس هو الشعور من داخلك بأنك قمت بالعمل الصحيح حتى لو عاداك العالم أجمع


تعلمت انه إذا لم يجد الإنسان شيء يموت من اجله ... فانه في أغلب الظن لن يجد شيئاً يعيش من أجله


تعلمت أن كل ما نراه عظيما في الحياة بدأ بفكره صغيره ومن بداية صغيرة


تعلمت أن الابتسامة لا تكلف شيئا ...ولكنها تعني الكثير !!!!

منقول

الاثنين، 1 سبتمبر 2008

يلا نرمضن


كل سنه وانتم بألف خير و صحه وربنا يتقبل منا جميعا

الأربعاء، 20 أغسطس 2008

السبت، 16 أغسطس 2008

عالج نفسك ببلاش


تعلم كيف تخدع دماغك !!!

1- إذا أصابتك حكة أو دغدغة في الحنجرة، افرك أذنك! لماذا؟
هناك أعصاب محفزة في الأذن، وعند حك الأذن تقوم بعمل رد فعل في الحنجرة يمكن أن يسبب تشنج العضلة، هذا التشنج يخفف الحكة المزعجة أو الدغدغة.
الدكتور سكوت شافير، رئيس مركز الأذن والأنف و الحنجرة في نيوجيرسي.

2- كيف تستفيد من أذنيك؟
إذا كنت في مطعم به موسيقى صاخبة وأردت أن تسمع جيداً ما يقال، استعمل أذنك اليمين، فهي أفضل من اليسار في متابعة الإيقاعات السريعة للخطاب. أما إذا أردت أن تميز الأغنية التي تعزف في الخلف، فاستعمل أذنك اليسرى لأنها أفضل في التقاط النغمات الموسيقية.
وفقاً لباحثين من كلية طب ديفيد غافين .

3. لكي لا تشعر بالألم ...
هل تخاف من الحقنة؟ ومن لا يخاف منها. ولكن الآن بإمكانك التخلص من الخوف والألم معاً عن طريق السعال أثناء اخذ الحقنة.
حيث اكتشف باحثون ألمان بان السعال أثناء الحقن يقلل الألم لان السعال يسبب ارتفاع مؤقت مفاجئ في ضغط الصدر والقناة الشوكية ويمنع تركيب إجراءات الشعور بالألم في الحبل الشوكي.
تاراس اوزشينكو، مؤلف دراسة الظاهرة.

4. تخفيف احتقان الأنف...
هل تعاني من احتقان الأنف المزمن ولم تنفع معك الأدوية، إليك طريقة أرخص وأسرع وأسهل للتخفيف من ضغط الجيوب قم بدفع لسانك ضد سقف فمك بالتناوب، ثم اضغط بين حواجبك بإصبع واحد. هذا يسبب هز عظمة فومر التي تمر عبر الممرات الأنفية إلى الفم، وهذه الهزات تسبب تحرك الاحتقان، بعد 20 ثانية ستشعر بأن الاحتقان بدء بالتحلل.
ليسا ديستيفانو، أستاذ مساعد في كلية ولاية ميشغان الجامعية.

5. كافح الحرقة دون ماء ...
هل تزعجك الحرقة عندما تنام. أصبح الحل أسهل.
أثبتت الدراسات بأن النوم على الجانب الأيسر يقلل من الشعور بالحرقة. حيث يرتبط المريء والمعدة بوصلة عند الزاوية، فعندما تنام على اليمين تصبح المعدة أعلى من المريء، مما يسمح للطعام والأحماض بالتسرب إلى المريء والحلق. بينما عندما تنام على الجانب الأيسر تصبح المعدة أدنى من المريء وهكذا تصبح الجاذبية لمصلحتك.
انتوني ستاربولي، متخصص بأمراض المعدة والأمعاء وأستاذ مساعد في كلية نيويورك الطبية.

6. عالج الم الأسنان دون فتح فمك...
جرب فرك قطعة ثلج على باطن يدك، على المنطقة الغشائية على هيئة V بين إبهامك وسبابتك.
لماذا... لان هناك توجد ممرات الأعصاب التي تحفز الدماغ وتمنع إشارات الألم الصادرة من الوجه والأيدي.
دراسة كندية.

7. تخلص من آثار الحروق
عندما تحرق إصبعك عرضياً على فرن الغاز، نظف الجلد واضغط بشكل خفيف على مكان الحرق بأصابع يدك الأخرى. الثلج سيخفف ألمك بسرعة أكبر. لكن الطريقة الطبيعية ستعيد الجلد المحروق إلى درجة الحرارة الطبيعية، فيصبح الجلد أقل تشوهاً.
ليسا ديستيفانو، أستاذ مساعد في كلية ولاية ميشغان الجامعية.

8- حتى لا تصاب بالدوخة
ضع يدك على شيء ثابت لان اليد تحتوي على أعصاب تعطي الدماغ مؤشر بأنك متوازن. بعكس الإشارة التي ترسلها القوقعة، الجزء المسئول عن التوازن في الأذن.
حيث يعوم الجزء المسئول عن التوازن في سائل من نفس كثافة الدم. بينما يخفف الكحول (مثلا) الدم فيصبح أقل كثافة وترتفع القوقعة مما يسبب الدوخة.
الدكتور سكوت شافير، رئيس مركز الأذن والأنف و الحنجرة في نيوجيرسي.

9. خفف وخز الألم في جانبك الأيمن
هل تشعر بوخز مؤلم عندما تركض، هذا لأنك تخرج الهواء 'تزفر' بينما تضرب قدمك اليمنى الأرض. مما يضع ضغطاً على كبدك (الموجود على الجانب الأيمن من الجسم)، ويسبب شداً للحجاب الحاجز الذي يرسل إشارة بوخز جانبي. ببساطة تعلم أن تزفر عندما تضرب قدمك اليسرى الأرض.
كتاب العلاج المنزلي للرجال

10. التخلص من النمنمة
إذا شعرت بأن يدك أو قدمك نمنمت، قم بتحريك رأسك من جهة لأخرى. سيزول شعور الدبابيس بشكل غير مؤلم في أقل من الدقيقة.
لماذا؟ تمر في الرقبة حزمة الأعصاب الرئيسية، فإذا قمت بتحريك عضلات رقبتك سيقل الضغط على الأعصاب.
ليسا ديستيفانو، أستاذ مساعد في كلية ولاية ميشغان الجامعية.

12. اقرأ دماغك
إذا كان عندك امتحان في اليوم التالي، راجعه قبل النوم. لماذا؟
لان عملية تعزيز الذاكرة تحدث أثناء النوم، فأي شيء تقَرأه مباشرة قبل النوم يشفر كذاكرة طويلة المدى.
كاندي هيمغارتنر، مدربة العلوم الحيوية في جامعة إيداهو

منقووووووووول


الجمعة، 27 يونيو 2008

اجمل الامثال العالميه



إذا لم تكن تعلم أين تذهب ، فأي من الطرق تؤدي الغرض

** ** ** **

يوجد دائماً من هو أشقى منك ، فابتسم
** ** ** **

يظل الرجل طفلاً حتى تموت أمه ، فإذا ماتت شاخ فجأة
** ** ** **

عندما تحب عدوك يحس بتفاهته
** ** ** **

إذا طعنت من الخلف فاعلم أنك في المقدمة
** ** ** **

الكلام اللين يغلب الحق البين
** ** ** **

كلنا كالقمر .. له جانب مظلم
** ** ** **

لا تتحدى إنساناً ليس لديه ما يخسره
** ** ** **

العين التي لا تبكي لا تبصر في الواقع شيئاً
** ** ** **

المهزوم إذا ابتسم أفقد المنتصر لذة الفوز
** ** ** **

الجزع عند المصيبة، مصيبة أخرى
** ** ** **

الابتسامة كلمة معروفه من غير حروف
** ** ** **

لا تطعن في ذوق زوجتك، فقد اختارتك أولا
** ** ** **

لن تستطيع أن تمنع طيور الهم أن تحلق فوق رأسك ولكنك تستطيع أن تمنعها من أن تعشش في رأسك
** ** ** **

ذوو النفوس الدنيئة يجدون اللذة في التفتيش عن أخطاء العظماء
** ** ** **

إنك تخطو نحو الشيخوخة يوماً مقابل كل دقيقة من الغضب
** ** ** **

إن بعض القول فن ... فاجعل الإصغاء فناً
** ** ** **

نحن نحب الماضي لأنه ذهب، ولو عاد لكرهناه
** ** ** **

من علت همته طال همه
** ** ** **

من العظماء من يشعر المرء فى حضرته أنه صغير ولكن العظيم بحق هو من يشعر الجميع في حضرته بأنهم عظماء
** ** ** **

من يطارد عصفورين يفقدهما معاً
** ** ** **

المرأة هي نصف المجتمع ، وهي التي تلد و تربي النصف الآخر
** ** ** **

لكل كلمة أذن، ولعل أذنك ليست لكلماتي، فلا تتهمني بالغموض
** ** ** **

كلما ارتفع الإنسان تكاثفت حوله الغيوم والمحن
** ** ** **

لا تجادل الأحمق ، فقد يخطئ الناس في التفريق بينكما
** ** ** **

الفشل في التخطيط يقود إلى التخطيط للفشل
** ** ** **

قد يجد الجبان 36 حلاً لمشكلته ولكن لا يعجبه سوى حل واحد منها وهو .. الفرار
** ** ** **

شق طريقك بابتسامتك خير لك من أن تشقها بسيفك
** ** ** **

من أطاع الواشي ضيَع الصديق
** ** ** **


الأربعاء، 28 مايو 2008

المنحرفين سلوكيا




استحملوا بقى الصور والبوست واللي متضايق يخرج ويريح نفسه


من هم المنحرفين سلوكيا؟؟؟

و مين فينا يقدر يحكم على انسان اذا كان منحرف ولا لأ؟؟؟


بيغيظني اوي الناس اللي فاكرين انهم هيصلحوا الدنيا لما كل واحد يدين التاني و ميبصش على غلطاته زي واحدة مقطعه في فروة جارتها ولا قريبتها ولا حتى صاحبتها عشان هي بنت ايا كسكيليا قليله الادب و كانت لابسه مايوه عالبحر ولا شافتها مصاحبه ولاد ولا استاذ فالجامعه المفروض انه مثقف لكن مربي مقشه تحت بقه وبيطهد بنت ويحطها في دماغه عشان سافله و ماتربتش و لسه لغايه دلوقتي ماتحجبتش الموضوع يا جماعه حريه شخصيا ليه بنحكم على الناس من لبسهم او من طريقه كلامهم لو متفتحين حبتين على طول يبقوا سفله؟؟؟ مين يقدر يدين انسان زيه اي ان كان لبسه او تعبيره عن نفسه أو حتى ميوله الجنسيه أعتقد ان كل انسان عاقل مسئول عن نفسه و عن تصرفاته ولو بيحترم اللي قدامه و اسلوبه محترم مع اللي قدامه و مبيئذبش حد لا بتصرفاته ولا بكلامه يبقى حر ومش ده اللي نهاجمه ولا نقول عليه منحرف


أتمنى من كل قارئ انه يفكر كويس قبل ما يحكم على غيره هديلكم مثل بسيط اول ما فتحت المدونه كنت حطه صوره لبنت لابسه بيكيني وكنت منتظره التعليقات عشان اشوف الناس هتتصرف ازاي وهعرضلكم بعضها مع احترامي للي كتبوها طبعا لكن ياريت نقف مع نفسنا و نوسع مدارك افكرنا شويه


(بدون ذكر اسامي)


يقول...الموضوع جميل و تعليمى بدرجة كبيرة لكن البكينى بتاعك ده من اى كوكب؟

يقول...ياعيني عليكي ياسوسكا يااختي تعرفي انا لما شفت صورة البروفايل استغربت بس لما دخلت وقريت الموضوع لقيت تفسير منطقيانت محرومه عندك من الجمالمن اللون الخمري


يقول... جاب لكى الخلاصة على فكرةههههههههههههههههههههه بس بجد هيا دى صورتك؟انا بتمنى تشيلها سواء كانت صورتك اولا لاءةاصلها بصراحة مزة:)والشباب هياخدوا ذنوبتحياتى يا قمر


يقول...بس سيبك انتى .. ما انتى كميلة اهو ومننا وعلينا .. مستغربالك صورة البروفايل بتاعك بصراحة


يقول...و بوست رائع بس الصورة الاجمل صورة الموزة اللى فى البروفيل صورة مووووووووووووووووز

يفول...اول زيارة لي في مدونتك بس ممكن الله يكرمك .. هو يعني مجرد اقتراح وليكي انك تاخدي بيه او ماتاخديش ممكن الله يكرمك تغيري الصورة اللي في البروفيل


وده بقى احد الناس الظريفه اللي بعتتلي ايميلات
Your picture in your blog is verry exiting...!

(أرجو من أصحاب التعليقات السابقه ما يتضايقوش انا بعرض وجهه نظري زي ما هما عرضوا وجهه نظرهم برضو)


دي كانت مجرد صورة لبنت حلوة من النت لكن الفكر اني مادام حطاها ابقى انسانه منحرفه و تخيلوا فيه ناس ماكانتش بتعلق عندي عشان الصورة دي الى كل انسان حر فكر وحرر افكارك العتيقه متحكمش على انسان زيك لمجرد شيئ هو مرتاح فيه و مابيسببلكش اي مضايقه بيه واللي هيقوللي اصل الست اللي مش متغطيه بتخليني اخد ذنوب هقوله احترم انت نفسك يا حبيبي وغض بصرك واللي هيقوللي ان صوت المرأة عورة هقوله اقعد في بيتكم عشان الست نص المجتمع والسيده عائشه رضي الله عنها اوصانا الرسول واوصى من حوله ان خذوا نصف دينكم من عائشه يعني كانت بتتكلم وبتقول اللي اتعلمته من الرسول (ص) ماكانتش بتشاور واللي هيقوللي مفيش صداقه بين راجل و ست هقوله لو مش عايز يا بابا ما تتمحكش وارحم شبابك انت بس انا شايفه ان السلوك المنحرف للشخص اللي بيعيب على غيره وبيلغي تفكيره مفيش حد له سلطه على حد وزي ما قال سيدنا عيسى من منكم بلا خطيئه فليرمها بحجر وده لمؤاخذه كان بيتكلم عن واحده عاهرة فاهمين يا بانيأدمين والا انتوا شايفين ايه؟

الأحد، 11 مايو 2008

الصومال

على ذمة الراوي
عندما نقول الصومال
يتبادر إلى الذهن مباشرة تلك الأرض القافرة
وذلك الجو الملبد بغيوم الجفاف
وأولئك البشر المحاطين بالمجاعة والفقر
ولكن إذا أدركنا أن كل ذلك من صنع البشر
ولو نظرنا بتمعّن لوجدنا أن حقيقة الصومال ليس كما يصورها لنا العالم

هذه مناظر من مدينة عِرجابوه بالصومال





































الاثنين، 14 أبريل 2008

مؤنث و مذكر





لاحظوا بأن الجنة مؤنث، ،، والجحيم مذكر

وأن الابتسامة والسعادة مؤنث ،،، والحزن مذكر

الصحة مؤنث ،،، والمرض مذكر

والحياة مؤنث ،،، والموت مذكر

والمودة والرحمة مؤنث ،،، والحقد والحسد والغضب مذكر

وأن الاجازة والراحة والمتعة مؤنث،،، وأن الدوام والعمل والقرف والتعب مذكر

فأعلم أن ((الإنــــــــــاث)) سر جمال هذا الكون

الثلاثاء، 8 أبريل 2008

قانون المرور المصري ' 2008' طازة من الكنترول






القاعدة الأولى:

لو عربيتك كبيرة أو قديمة ، أستخدم المبدأ القانوني: اللي خايف على عربيته يوسع!!
ملحوظة: ابعد عن سكة العربيات المخرشمة ، بيسوقوا بنظرية ضربوا الأعور على عينه!!


القاعده الثانيه:

البوز بيز Booze Base : اللي يدخل ببوز عربيته الأول للتقاطع هو صاحب أولوية المرور! احرص على أن تكون صاحب أول بوز.

ملحوظة: لا تطبق الـ Booze Base مع أي لوري أو أتوبيس ، حرصاً على بوزك لا مؤاخذة.


القاعدة الثالثة:

الإشارات تكشف نواياك للأعداء ، أياك أن تستخدمها!


القاعدة الرابعة:

لا تترك مسافة للأمان بينك و بين السيارة التي أمامك فهذا له عدة مخاطر:

1. عربية ثانية هتمليء الفراغ في ثواني و برضه ما يبقاش فيه مسافة بينك و بين الي قدامك ، كل الي كسبته انك اتأخرت لورا شوية.

2. تعطي فرصة للعيال يعملوا غرز قدامك.

3. كل المشاة حيغمضوا عينيهم و يعدوا من الحته دي.

4. الي وراك حيقعد يزمر - لو كان مؤدب - أو تسمع شوية أسامي حيوانات لو كان سواق تاكس - مؤدب - ، أو حيخبطك من ورا لو كان سواق ميكروباص - و دول مفيش حد منهم مؤدب.

الإشارات مش معمولة علشان تنظم المرور ، معمولة علشان شكل القاهرة يبقى متحضر بس!

اعتمد على العساكر ( مع تحملك كامل المسؤلية لو واحد منهم شاورلك تعدي و بلدياته الناحية الثانية فتح السكة للوري ) أو يفضل أن تستعمل البوز بيز ( راجع القاعدة الثانية ).


القاعدة الخامسة:

اذا كنت مش واقف في الصف الأول في الاشارة اعمل حسابك تزمر بشكل متواصل و هستيري أول ما الأشارة تفتح ، لأن الناس الي قدام بيبقوا واقفين في الاشارة من زمان و جايز جداً يكونوا ناموا!!


القاعدة السادسة:

معظم الحوادث تحدث في التقاطعات أول الأشارة ما تحمر، كل ما عديت الإشارة الحمراء أسرع كل ما قلت فرصة انك تتخبط!


القاعدة السابعة:

الشارع مكان مقرف ، سوق بأسرع ما يمكن حتى تتخلص من هذا الهم بسرعة ،

الناس الي ماشيين بالراحة مرضى نفسيين بيستمتعوا بالعذاب ، يستاهلوا الي يجرى لهم.


القاعدة الثامنة:

من حقوقك الدستورية أن تركن أمام باب المحل الذي تريد أن تشتري منه ، اذا سبقك واحد ابن ستين في سبعين و ركن قدام الباب ، فمن حقك أن تقفل عليه و تركن صف ثاني أو ثالث، و مش مهم لو الشارع اتقفل ، ايه يعني أما الناس تتعطل عشر دقائق علشان تستمتع بحقوقك الدستورية؟ هيا يعني الدنيا طارت ولا كان وراهم الديوان؟


القاعدة التاسعة:

م ن حقك أيضاً أن تخرج من مكان انتظارك في أي لحظة تشاء ، اكسر الدركسيون شمال و اطلع ، أي حد ماشي في الشارع لازم يقف لك فورا ً، راجع البند السابق.


القاعدة العاشرة:

إحترس من ثلاث أنواع من السائقيين بيسوقوا و كأنهم مش ممكن يموتوا:

1. العيال الروشين الي بيلعبوا Computer Games و فاكريين إن ممكن يكسبوا Life زيادة لو ساقوا أسرع.

2. موتوسيكلات توصيل الطلبات ( Home Delivery ).

3. سواقين الميكروباص.

ملحوظة: إوعى تحاول تثبت لحد منهم إن فكرته غلط. فاهمني!!!.


القاعدة الحادية عشر:

لما تشوف حادثة لازم تهدي و تتفرج - مش مهم تساعد - الحجات دي دمها أخف من الأخبار المملة بتاعة التلفيزيون ، و بعدين لما الطريق وراك يقف تحمي المجتمع من حادثة تانية.


القاعدة الثانية عشر:

الكناسين لازم يحللوا اللقمة الي بياكلوها ، حاول تنفعهم و ترمي أي حاجة من الشباك.


القاعدة الثالثة عشر:

لما تخلص سيجارة أوعى تحطها في الطفاية ، ارميها من الشباك أول ما تشوف واحد بموتوسيكل معدي جنبك ( علشان يحرم يعمل غرز ).


القاعدة الرابعة عشر:

من حقك أن تعبر الشارع في أي وقت و من أي مكان.


القاعدة الخامسة عشر:

اذا كان هناك سيارة قادمة اعمل نفسك مش واخد بالك و عدي براحتك خالص،ما تخافش، هوا حيقف، هو اهبل يدوسك و يودي نفسه في داهية؟


القاعدة السادسة عشر:

اياك أن تنظر نحو السيارات القادمة ، أعبر الطريق و ظهرك لها حتى لا يشك أحد قائدي السيارات أنك تراه و يحاول يخوفك علشان تقف انت.


القاعدة السابعة عشر:

حتى لو شفته أوعى تخاف - خصوصاً لو معاك مراتك - تبقى راجل ملو هدومك و تخاف من حته عربية؟ عرض قفاك و سيبه يتفلق.


القاعدة الثامنة عشر:

الرصيف ليس للمشاه ، بل لركن السيارات و فرشات الباعة الجائليين و المحلات... الخ ، لذلك يحق للمشاة السير في وسط الشارع ، لمزيد من الأمان ، راجع القاعدة السابقة.

الأحد، 6 أبريل 2008

التمنينات

كولونيا خمس خمسات مفيش غنى عنها


لا عجبه كدة ولا كدة ولا عجبه حد


اختراع الأتاري

أحدث وأفخم سيارة



شيلوا الراجل ده من قدامي.. بيقول زحمة.. جاي في التمانينات و يغني زحمة يا دنيا زحمة.. بيغيظنا.. امال دلوقتي يغني ايه؟؟


هات الفينو خدلك نصه شيل اللبابهمتحط البيفي وعدي يا وعدي
بيفي من بلدي وعدي يا وعدي بيفي من بلدي



بصاء الخير
مقدم برنامج عالم البحارالله يرحمك يا دكتور حامد


رجل المستحيلات ما كجيفر



اللعبة دي كنا نجيبها و نكسرها.. و بعدين نلاقي نفسنا مش لاقيين حاجة نلعب بيها



احدث اختراع


الشيكولاته اللي اتهرينا منها


استنوا.. محدش يقول.. انا هاقول اسامي اللعيبة. مجدي عبد الغني.. علاء صادق باين؟.. علاء ميهوب.. طاهر أبو زيد.. ربيع ياسين.. حسام البدري.. إكرامي.. حمادة صدقي.. حسام حسن.. اسامة عرابي.. واحد مش عارفة اسمه.



ميدان التحرير والأتوبيس الأحمر


الترماي واتشعلق يا مزوغ ورا


ثابت البطل و احمد شوبير والكابتن اكرامي















من أنا

صورتي
واحدة بتموت في ارض مصر و حاسب اللي يتهور يتعور