#Jan25 #Egypt لما نزلت المظاهرات - Marwa Rakha

#Jan25 #Egypt لما نزلت المظاهرات - Marwa Rakha

يا مصريين افهموا اللي بيتطلقوا بتحرم عليهم يعيشوا مع بعض

يا كل واحد عايز البلد تهدي عشان خايف من خرابها انا مع كلامكم جدا ولما مبارك طلع انا وافقت جدا على كل اللي قاله زيي زي ملايين وكلمت اصحابي في التحرير قولتلهم خلاص الحمد لله عايزين ايه اكتر من كده وفيه ناس اتحركوا فعلا وروحوا لكن بعد اللي حصل و الناس اللي اضربت و ماتت اظن اقل ما يقال انها خيانة ولو مبارك مايعرفش على الاقل كان برأ نفسه من دم اللي ماتوا و اتبهدلوا ده ماطلعش اتكلم كلمه و لا طلع بيان واحد ولا ظهر سايب ناس تانية لسه مايعرفوش راسهم من رجليهم مع كل احترامي ليهم يتكلموا اي كلام مش لأنهم هبل لكن لأنهم معندهمش خلفية ايه اللي بيحصل او عارفين و في موقف يحسدوا عليه حاطت ناس محترمين اه بس هيتظلموا وهو بعجرفتوا المعروفه مفتحش بقه وكأنه بيقول (الكلاب تعوي والقافله تسير) دم الشهداء دول مين هيدفع تمنه؟؟؟ مين اللي اتسبب فيه؟؟؟
محدش بيرد
انا مع ان الناس تتفق و مايحصلش فوضة لأن فيه ناس كتييير ممكن تستغل موقف الشباب بس الحل اننا نكون يد واحدة ونعين ناس مراقب عليهم من مجموعه اخرى يتكلموا باسم الشعب يعني مجلس (شعبي) بس حقيقي مش كدة وكدة وهم يرشحوا حد لاستلام السلطة بشكل مؤقت لحين اجراء انتخابات و ينزل مبارك عن الحكم بطريقة مفيهاش هرجلة وده مش صعب في ظل وجود رئيس وزارة و نائب ومجلس شعبي محترم

هم اللي بيضحكوا على عقول الناس بأنه صعب و انه هيحصل فوضة طيب وايه اللي بيجري دلوقتي؟؟؟؟؟ فين الأمن ؟؟؟ ماتوا كلهم؟؟؟ فين الوزير الجديد بتاع الداخليه؟؟؟؟ فين لاعتذرات والتصريحات؟؟؟ فين صفوت الشريف اللي بهدل الدنيا عشان فاكر اننا شوية كلاب هنهوهو وبعدين نسكت؟؟؟

نسكت على ايه و نوقف ونرجع الشباب البيوت ليه ؟؟؟ بلدنا مش هتضيع لو وقفنا مع بعض بنظام وصححنا وضعنا
ماتصدقوش انه الاخوان هيمسكوا الحكم و انهم هم اللي بيشعللوها لان الشعب مش عايز الاخوان و ده كان واضح جدا في كلام كل الناس
ولا تصدقوا مسلسل ان اوباما بيوزع فلوس هو و اسرائيل واقفة عالناصية بعربية هامبرجر
لان احنا مش شعب عبيط احنا فاهمييين كويس مين اللي معانا و مين اللي بيسخن و مين اللي ضدنا ولا امريكا ولا اسرائيل كانوا يتوقعوا ده مننا واهو اتضرب النهارده خط انابيب الغاز اللي رايح لاسرائيل يا ترى ده كان في مصلحتهم؟؟؟؟ ياناس صحيح عايزين بلدنا ترجع صح و حلوة بجد مش زواء من برا و خراب و موت و اكل من الزباله و عشوئيات من جوة دي فرصتنا ومشوار الألف ميل بيبدأ بخطوة واحنا مشينا خطوات ثابته عايزين تهدوها ليه اللي مش عايز يشارك و خايف على اسرته من الجوع باقوله يا اكلت واللي خايف على العيال و المدارس بقوله مستقبل ولادك اهو شبابنا بيبنيه واللي ممش عايز عشان البنك قافل والاي تي ام ماشين مش شغال اقوله ارحمنا وبطل انانية اصحوا يا شعب بلدنا بتتولد مستقبل ولادكم بيتبني مش عايزين تشاركوا مع انه واجبكم اعملوا اي حاجه تانية شاركوا بيها وادعو لولادنا اللي في الميدان ربنا يحميهم و ينور عقولكم

البلطجية الغلابة

مشكلة البلطجية باختصار انهم كلهم واخديين وعود انهم لو عملوا ده هتتشال ملفاتهم من امن الدوله وهتكون صحيفة سوابقهم بيضة و اللي مش هينفذ هيقولوا انه تم القبض عليه و انه مخرب و هيموت من الضرب والتعذيب و ده مسلسل امن الدوله الشهير

(مع الاعتذار لبعض الشرفاء القلائل جدا)

فطبعا الجبن و القهر والجهل بيخليهم يوافقوا لاذين بالفرار من بطش امن الدوله لأنهم مش متخيليين يعني ايه عدل ويعني ايه امن دوله من غير بطش و هم مارسوا ده كتير زمان و نجحوا واللي هينجح المرة دي مكفأته ما يحلمش بيها و هي انه يعيش نضيف من غير ملف ويعيش زيه زي الناس الباقيه والمشكله ان كل ضابط محترم او شريف في امن الدوله فوقه قامع بيلجمه ووزير بيقيده زي ما فيه وزارة اعلام فاسدة ووزير فاسد و اعلاميين فاسدين و فيه قله بيضاء اليد ده حال كل الوزارات اللي مش هتنضف غير بتغيير النظام القامع الفاسد

الى كل فاسد في مصر يدكم قد تلوثت بدماء اخوانكم لا ينسى التاريخ ان يلعنكم



الى كل مصري بيحب مصر مشارك في الثورة

ربنا معانا و هو القادر علي الفتك بكل مخرب

وحسبنا الله و نعم الوكيل

احلام شعب مصر ستتحقق قريبا و ستبدا اول خطوة اليوم

1-اسقاط الطاغية مبارك الآن

2-تعيين مجموعة من المثقفين و السياسين كحكومة مؤقتة مثل هم أحمد زويل و عمرو موسي و هيكل و حمدي قنديل وغيرهم من محبي الوطن دون اي انتهازية و ينتخب منهم رئيس مؤقت لحين الانتخابات

3-حل مجلس الشعب و الشورى و عمل انتخابات من الشعب نزيهة باشراف دولي

4-اسقاط وزير البترول و الاعلام لحين محاسبتهم

5-القاء القبض على احمد عز و حبيب العادلي و صفوت الشريف الى ان يتم الحكم عليهم

6-تجميد كل أموال مبارك و عائلته و احمد عز و كل من نهب مصر و المحاكمة الفورية لهم

7-محاكمة كل من تسبب في ما يحدث لأبناء مصر من البلطجية و المجرمين مع السابق ذكرهم

8-تغيير الدستور و نصوصه المخربة للوطن

انشا الله قريب جدا الله يمسك بميزان العدل و لا يرضى لنا الظلم

ترقبوا

كلمة الله لشعب مصر

اخوتي المصريين يا من نزلوا في بأمر من الله لتحرير مصر ان الله معنا لا تخافوا أحد ألله اكبر من أي عدوان من أي ظالم لابد ان نتمسك بإيمننا بقضيتنا الايمان هو الأهم على كل مؤمن بالله ان يتمسك بكلمته

كلمة الله في الانجيل لكم يا ابناء مصر

مَاتَ هَؤُلاَءِ كُلُّهُمْ وَهُمْ مُؤمِنُونَ. مَاتُوا دُونَ أَنْ يَنَالوا الوُعُودَ، لَكِنَّهُمْ حَيُّوهَا بِفَرَحٍ مِنْ بَعِيدٍ مُقِرِّيْنَ بِأَنَّهُمْ غُرَبَاءُ عَابِرُونَ هَذِهِ الأَرضَ.

14 وَمَنْ يَقُولُونَ مِثلَ هَذَا، يُظهِرُونَ أَنَّهُمْ يَبحَثُونَ عَنْ وَطَنٍ.

15 فَلَو كَانُوا يُفَكِّرُونَ بِالوَطَنِ الَّذِي تَرَكُوهُ، لَكَانَتْ لَهُمْ فُرصَةُ العَودَةِ إلَيهِ.

16 لَكِنَّهُمْ كَانُوا يَحِنُّونَ إلَى وَطَنٍ أَفضَلَ)

والكلمة في القرآن ايضا لكم يا ابناء مصر

( ولا تحسبن الذين قتلوا في سبيل الله أمواتا بل أحياء عند ربهم يرزقون . فرحين بما آتاهم الله من فضله ويستبشرون بالذين لم يلحقوا بهم من خلفهم ألا خوف عليهم ولا هم يحزنون . يستبشرون بنعمة من الله وفضل وأن الله لا يضيع أجر المؤمنين . الذين استجابوا لله والرسول من بعد ما أصابهم القرح للذين أحسنوا منهم واتقوا أجر عظيم )



تمسكوا باليمان صلوا ادعوا تقوا في الله لا تخافوا ان كان الله معنا فمن يقدر علينا يا اخوتي لا تنسوا هذه الكلمات الله معنااااااااا

صحوة يا امتنا العربية اتحدي

يفرحني قدر ما يبككيني انضمام العلم التونسي الى العلم المصري انها فعلا صورة نتمنى انت تضم كل أعلام امتنا العربية و ستضمها عندما يقوم العرب بأداء دورهم تجاه بلادهم لاسترداد حقوقهم لنهضة امتنا اناشد كل عربي ان يعي ما يحدث الأن ان التاريخ يكتب بدماء ابنائنا و اتمنى ان يكون ما يحدث في مصر و تونس جرس صحوة لنا جميعا لنستعيد عروبتنا و نهضتنا كأمة واحدة بعدما فرقونا الحكام المحتلين

بسم الله الواحد الأحد

امة واحدة

شعب عربي واحد

يد واحدة للبناء والرخاء

اهداء مني لكل عربي

اذكي اطفال العالم هنا

قال لى احد اصدقائي الذي يعمل بوكاله النامرو التالى
عملنا اختبارات فى النامرو على اذكى مستويات لذكاء الأطفال فى العالم فأتضح التالى
إلى سن أربع سنوات الطفل المصرى هو أذكى أطفال العالم على الأطلاق
اما ما يحدث له بعد ذلك فهو من النظام الزباله الحاكم لمصر والذى يصيب الجميع بالأحباط واليأس والتراخى
بالمناسبة النظام الحاكم الزباله يصرح حاليا بانه لا توجد رجال كفاءات تصلح لحكم مصر سوى العيل أياه

وأليكم رابط أعلى معدل لذكاء لطفل على مستوى العالم
http://www.youtube.com/watch?v=q_ozUaAtp08&feature=related

بالمناسبة د. أحمد زويل أصرعلى مقابله الطفل (وهنأه على ذكاه) عندما علم أن أمنية الطفل هى مقابله أحمد زويل

يا نهارهم اسود هي حصلت

نقلا عن جريدة المصري اليوم

أحمد عز يقدم مشروع قانون للسماح بتجارة الآثار «داخلياً» وفاروق حسنى و«حواس» يرفضان ويهددان بالاستقالة
علمت «المصرى اليوم» أن المهندس أحمد عز، أمين التنظيم بالحزب الوطنى، قدم إلى مجلس الشعب مشروع قانون يطالب فيه الدولة بالموافقة على السماح بحرية تداول الآثار والتجارة فيها داخل مصر،
وانتقد خبراء الآثار مشروع عز، محذرين من أن تنفيذه «سيزيد السرقات وتهريب الآثار للخارج». وقالت مصادر مطلعة لـ«المصرى اليوم» إن فاروق حسنى، وزير الثقافة، والدكتور زاهى حواس، أمين عام المجلس الأعلى للآثار، هددا بالاستقالة من منصبيهما لو تمت الموافقة عليه، مشيرة إلى أن الوزير أجل زيارة له إلى الأقصر كان مقرراً القيام بها اليوم، لحضور جلسة البرلمان لمناقشة القانون.
وعرض عز على المجلس، فى جلسته أمس الأول، دراسة مقارنة للتشريعات التى تنظم حماية الآثار فى بعض دول العالم، أعدتها أمانة التنظيم بالحزب الوطنى، وحصلت «المصرى اليوم» على نسخة منها تقول: إن الاتجار فى الآثار «نشاط مسموح وفقاً لقوانين دول العالم المختلفة، مع اشتمال تلك القوانين على القواعد والإجراءات المنظمة لهذا النشاط».
وأضافت المصادر أن حواس قال خلال جلسة مجلس الشعب، أمس الأول، إن تنفيذ مقترح عز «يعد تخلفاً قانونياً»، ويؤدى إلى خروج تراثنا الحضارى للخارج بحجة الملكية الخاصة.
وقال الدكتور عبدالحليم نور الدين، الأمين العام الأسبق للمجلس الأعلى للآثار، إنه «لا يمكن الموافقة على مشروع عز، لأنه يعنى تخريب آثار مصر»، مطالباً عز بالتركيز على الحديث فى الحديد والصلب.
وأضاف «الأصل فى الآثار أنها ملك الأمة، وليس من حق أحد أن يتصرف فيما تملك الأمة»، وهناك جهة واحدة معنية بآثار مصر فى إطار القانون ١١٧. وقالت الدكتورة تحفة حندوسة، أستاذ الآثار: «هذا الاقتراح خاطئ، وسيؤدى إلى تهريب الآثار المصرية إلى الخارج».
ووصف الدكتور رمضان عبده، أستاذ الآثار، المشروع بـ«الخطير جداً، ويشجع السرقات، لأن التجارة فى الآثار مربحة».

طالع المزيد
أحمد عز يتقدم للبرلمان بمشروع قانون يسمح بحرية التجارة فى الآثار وتداولها فى الداخل ومصادر تؤكد: «حسنى» و«حواس» يهددان بالاستقالة إذا تمت الموافقة على المشروع

اخر فتوة

فتوى تستحق التفكير..................عجب؟؟؟؟؟؟؟
اخر فتوى مصريه 2010كل وحده طلقها زوجها ( بالهمزة) ترجع لزوجها وبسرعة !!في بحث أعده الدكتور/ علي جمعه مفتي مصر ذهب فيه الى ان طلاق المصريين لا يقع لأنهم ينطقونه بالهمزة وليس بالقاف فيقولون انتِ (طالئ) وليس (طالق)