الجمعة، 18 مارس، 2011

Vote No - قول لأ



لكل فرد في عائلتي الكبيرة الى كل اخ و اخت من امي مصر كبير او صغير لازم تخدوا بعض و ترحوا بكرة للتصويت لازم تخدوا اللي حواليكم اللي مايعرفوش يدخلوا عالنت خد ماما و نينا و عم احمد و عم بولس خد الافراد البسطاء لأن ده واجب وطني لو اللي ما يعرفش يصوت بأيه فهموه لازم يقول لأ لأن من قال لا فقد افتى يعني الطبيعي والمنطقي اني مقولش نعم على حاجه انا مش متأكد منها او متخوف من مصيرها لازم نصوت عشان بلدنا تطور لازم نقول لأ

هناك 4 تعليقات:

Tears يقول...

من يومين بس كنت متحمسه اوى زيك كده بس لما اكتشتفت ان استمارات التصويت اصلا بتوزع فى الشارع و مع الناس حتى فى الصعيد و بيكتب فيها نعم و يدوها للناس عشان يحطوها فى الصندوق و يرجعوا بالفاضية فياخدوا مكرونة و زيت و ان فيه ناس تانية بياخدوا منهم صورة الرقم القومى و يدوهم اى حاجة فى المقابل فقدت حماسى لان كده بقت تمثيلية زى كل مرة و مش فارق حاجة و الاسوأ ان دى بروفة لانتخابات الرئاسة و بالتالى احنا رجعنا لنقطة ما قبل 25 يناير و همه ح يعملوا اللى عايزينه و الاهم ان التعديل بتاع المادة 76 اللى المفروض ان يتوافق عليها بيمنع الطعن على نتيجة انتخابات الرئاسة يعنى ح يزوروا و ماحدش يفتح بقه و لما يبقى يجى رئيس جديد نتيجته مشكوك فيها يبقى يحط دستور هو و مجلس الشعب اللى ح يبقى مش ممثل للشعب

http://www.facebook.com/album.php?aid=647424&id=522785413&fbid=10150448781095414

maf2ou3a يقول...

لا علشان مينفعش نرضي بأنصاف الحلول انا معاكي تماما

بنت مصرية يقول...

تيرز حبيبتي اتمنى ان كوني بخير بعد الديمقراطية و الموقف المشرف من اولاد مصر ما عدا قلة يارب انشالله اللي جاي اجمل
بحبك يا مصر

بنت مصرية يقول...

مفقوعة
اهلا بيكي في عهد جديد و انشاء الله تبقى نهايات الفقع هههههه
نورتيني يا سكرة

من أنا

صورتي
واحدة بتموت في ارض مصر و حاسب اللي يتهور يتعور