الثلاثاء، 6 يناير، 2009

هيخلصوا على فلسطين و الدور عليكوا يا حلوين

مش عارفه اقول ايه انا اول مره احس اني لازم اصرخ مع الصارخين وبدل ما أقول هابي نيو يير اقول الله يرحم الشهداء اللي راحوا في غزة
اصبحنا فالنهايه كل واحد بيشوف مصلحته الشخصيه ولا بلد ولا ولد عصابه زعماء والضحيه احنا
تواطؤ كسكسه بيزنس جُبن
زعماء المافيا العرب بيبيعوا و يشتروا في دمنا هنفضل لامتى ساكتين؟؟؟
واحد سايبها تولع ومطنش على اللي بيحصل و متواطئ و مخلي الناس تقول مصر خاينه لأ مصر بريئه منه ده مستعمر زيه زي اسرائيل
ولااكاده الناس في غزة بطلوا يطلبوا مساعدة العرب لأنهم اتأكدوا انهم كلهم خونه وبيطلبوا مسانده الأجانب شوفتوا المصيبه


يا بلادنا قومي كفايه نوم لحد امتى هيسعبدنا زعما وهجوم
الاسم زعما والفعل سفاحين
مصاصين دماء القتل و الحروب بالنسبه لهم بيزنس وهما الكسبانين
واحنا الله يرحم شهدئنا ويرحمك يا صلاح الدين
الكدب بقى هو الصدق والصدق بيكذبوه
شًحتونا جوعونا خلو الأخ يقتل اخوه
فوقوا يا عرب وارجعوا للأمجاد
كفايه نواح و بكى و حداد
دا كل ساكت فيكم راضي الاستعباد
محدش هياخدلنا حقوقنا غيرنا
سفاح في بلادنا بيستبيح قوتنا و دمنا
وسفاحين كتير زيه مليين ارضنا
امتى هترجع الكرامه و احنا ملهيين
بندور عاللقمه في صفايح الزباله يا مؤمنين
شاغلنا لاهينا بحاجات تانيه
عشان يخلونا مش فالدنيا
وبيلعبوا قمار بالعراق و فلسطين
و يا ترى الدور على مين
على واحد واحد يا زعما ولا انتوا مش عارفين
الله يرحم صدام و مصيركم بكره هيكون يا قتل يا هطلعوكم خاينين
انا قلت كلامي و رزقي على الله اما انتوا
افتكروا انكم مش دايمين
والخازوق في انتظار واحد واحد يا مفتحين
وعجبي



























عايزين كمان و لا كفايه؟


هناك 10 تعليقات:

عابد الرحمن يقول...

كفاية
وجعتي قلبنا
بس صحتينا وفوقتينا

soly88 يقول...

لا يوجد واحد من هؤلاء الرؤساء أو الملوك
اختاره شعبه
ويرددون ليل نهار شعارات بلهاء عن رفع المعاناه وحفظ الامن القومى
لدرجة انى اعتقد ان هؤلاء الحكام قد زرعهم اعدائنا

emey يقول...

ربنا مع كل مظلوم ومحتاج الله لا يتخلاة عن محتاج ابدا


تحياتى

lastknight يقول...

صرخه مصريه جدا , واعيه جدا رغم سلاسة الأسلوب , بالفعل .. كل هوؤلاء تم ألقائهم علينا بالباراشوت و لم ننتخب واحد منهم أبدا .. و النتيجه ؟ نحن و أطفال غزه وقود الجريق الذى منه يتكسبون
شرفتنى زيارتك لمدونتى و أن شاء الله أكون قارىء دائم لمدونتك

Desert cat يقول...

رحم الله شهداء غزة دمهم فى رقبة حكامهم

حازم سويلم يقول...

لا مش عايزين, الله يباركلك
شكرا

حنون .. يقول...

ربنا يسترها علينا!
يسعدني تشريفك لي ..!

يا مراكبي يقول...

طول ما كل وحد بيقول وأنا مالي ده أنا بعيد وفي الأمان .. بكرة هيبكي بدل الدموع دم وهيعرف إنه إتقتل من يوم ما ساب أخوه من غير ما يننصره

gana magde يقول...

الكلام جميل

بس عمره مكان دليل

وعمره مخفف الحزن الدفين

عموما سيبيهم نايمين

لما يتحسبوا يوم الدين


وسعتها الثمن هيكون كبير


ده دم الملايين

تقبلى تحياتى

~*§¦§ Appy §¦§*~ يقول...

لا الدور مش علينا علشان احنا شعب عنده دم وبيتحرك وبياثر فى بعضه

من أنا

صورتي
واحدة بتموت في ارض مصر و حاسب اللي يتهور يتعور