السبت، 29 مارس 2008

إضراب 6 ابريل

إتفقت كافه القوي الوطنية في مصر علي أن يكون يوم 6 إبريل يوم إضراب عام في مصر يوم 6 إبريل
خليك قاعد في البيت أو شاركنا فى الميادين العامة
أوعي تنـــــــــزل لكن شاركنا
ماتروحشي الشغل
ماتروحشي الجامعه
ماتروحشي المدرسة
ماتفتحشي المحل
ماتروحشي القسم
ماتروحشي المعسكر
عايزين مرتبات تعيشنا
عايزين نشتغل
عايزين تعليم لأولدنا
عايزين مواصلات أدمية
عايزين مستشفيات تعالجنا
عايزين دواء لأطفالنا
عايزين قضاء منصف
عايزين أمن وأمان
عايزين حرية وكرامه
عايزين شقق للعرسان
مش عايزين رفع أسعار
مش عايزين محسوبيه
مش عايزين ظباط بلطجية
مش عايزين تعذيب في الإقسام
مش عايزين أتاوات
مش عايزين فساد
مش عايزين رشاوي
مش عايزين إعتقالات
مش عايزين تلفيق قضايا
قول لأصاحبك مايروحوش الشغل همه كمان وخليهم يدخلوا الإضراب
( حزب العمل المصري- حركة كفاية - الإخوان المسلمين - حزب الكرامه - حزب الوسط - حركة موظفي الضرائب العقاريه - عمال غزل المحلة - حركة إداريي وعمال القطاع التعليمي - نقابة المحامين - حركة أستاذه الجامعات)
6أبريـــــــــــــــــل أضراب عام في مصر سلمي أبعت رسايل لكل اللي تعرفهم
البلد كلها حتعرف بالموبايل بالأرضي بالأيميلات أو حتي رسايل عالشات في قنوات التليفزيون أنسخوا رسالتنا وأبعتوها تعليق على كل المقالات ألي بتقروها بيكوا وبينا البلد دي حتتغير أنشاء اللهالمسيحين مع المسلمين لصالح مصريالا يامحمد يالا يامينا مصر مش هتتغير إلا بإيــــدينـــــــا

هناك 12 تعليقًا:

رئيس جمهوريه نفسى يقول...

اول كومنت

arsenalwy يقول...

اتمنى انه يقوم الاضراب دة

بس اشك

رئيس جمهوريه نفسى يقول...

العزيزه soska
انا وصلتنى الدعوى على الايميل وان شاء الله حنفذ الفكره وهى فرصه نوصل صوتنا فوق مش للحكومه طبعا لانها عارفه وسامعه وحاسه بس مطنشه نوصل صوتنا لبعض ولما الى مشاركش يعرف انى البلد اضربت المره التانيه حيشارك الثالثه باى حركه تانى حينفذ هى فرصه نشجع بعض يمكن نتحرك ونقدر نعمل حاجه

بحبك يامصر يقول...

انا بالفعل وصلتنى الدعوه
وان شاء الله نشارك

Soooo يقول...

كنت مع صنايعي بيشتغل معايا وبقولو اني مش هاجي يوم سته ابريل وهعمل اضراب .. قالي طب ياباشمهندس مانا لو ماجيتش هيتخصملي اليوم .. قلتله يابني افهم .. مش انا اللي باشغلك .. انا نفسي مش جاي .. يعني حتى لو انت جيت واشتغلت مش هتقبض
تنح شويه وقالي .. اه فهمت .. طب خلاص بقى انا هاخد مراتي وننزل البلد نشتري شوية حاجات
!!!!!!!!!!!!


فهمتي قصدي؟؟؟؟




سلامووووووووووووز

alshared يقول...

ممكن أعرف أيه القوي الوطنيه اللي دعت للعصيان المدني ده

عموما هيا خطوه علي الطريق بس مش نهاية الطريق

أنا مش مع القعده في البيت
الناس لازم تنزل الشارع
وبعد ما ننزل الشارع هايحصل تفاعل مابين كل الناس

وهايتحركوا

ولما يتحركوا هايغيروا

مفيش تغيير أستاتيكي وانتا نايم في البيت

الحريه تنتزع وليست تهدي

تحياتي

بنت مصرية يقول...

سيادة الريس منور

بنت مصرية يقول...

ارسنلوي
والنبي لو هتشك اعمل بس انت اللي عليك وكفايانا دبابيس:)))

بنت مصرية يقول...

الريس الجميل
انا املي عليك كبير عايزين حملات تشجيعيه للناس كفايه نوم والنبي كفاية

بنت مصرية يقول...

بحبك يا مصر

ربنا معانا يا شباب محتاجين كل واحد يشارك

بنت مصرية يقول...

سوووو

فهمت وربنا ينصرنا عشان كل غلبان و محتاج لاززم انتفاضة لازم وعي لازم الناس الغلابة دول حد يفهمهم حقوقهم

بنت مصرية يقول...

الشارد

القوي الوطنية هي الشعب المطحون اللي مبقاش حتى عنده دم يتمص
ياريت كلنا نشارك و نقول لكل الناس

من أنا

صورتي
واحدة بتموت في ارض مصر و حاسب اللي يتهور يتعور